قصايد حب

عن الكتاب

"بحبك صار يسألوني/وعلى قول الحقيقة يحرجوني، وشفت إسمي مع العشاق مدرج/كأنو بفخ عم بيعلقوني، وبدنيه عملتها للشك مدرج/وصرت بلا وعي كذّب ظنوني، وإمشي درب حبي متل أعرج/تا إبعد كل شبهة ويعرفوني، وبعد ما شفت حبي المهر أسرج/صاروا بطهر حبي يطعنوني، وصرت متل الحجل كرجات أكرج/لحتى بهالعمل ما يقنعوني، ولحتّى شوف صار الطقس أفرج/من الطقس البيغيمو ضايقوني، قلت بكره بعد مده بتفرج/قالو لا. وصاروا يحلفوني، صرت إكذب ومثل سراج أسرج/خبي النور تا ما يقشعوني، وقلهم ما بحبا بصوت أخرج/من عيوني الدمعة المش حنوني، ولما شفت حالي صرت محرج/وصارو بسجن أسود يوعدوني، الحقيقة قلتها ولقيت مخرج/لأنو صورتك هيي الحقيقة الرسمها ربنا بهيكل عيوني". هو باقة ورود حمراء جمعها الشاعر ميلاد مارون (حسون لبنان) وقدّمها للمرأة بقالب شعر زجلي لبناني ضمن ديوان كتبت حروفه بدم القلب. وخفقات الروح. تتحلى بالوجدانية والرومانسية. وكأنه يقدم أجمل ما عنده للجمال ليطبع على خدّ الزمن قبلة السماء وفرح العمر. يحتوى الديوان على cd تم تسجيله على أحدث الوسائل المتاحة وبمصاحبة أفضل العازفين وتحت إشراف صارم من الشاعر مما أدى إلى نتاج فريد من نوعه في عالم شعر الزجل المسموع.