أنين الأشجار

هو كتاب شعري محكي بلهجة أهل صعيد مصر يدخل بك في عالم الطبيعة والناس الطيبة وما يغمرها من مثل وأعراف وتقاليد ويرسم لك لوحة خلابة من واقع الإنسان المصري البسيط ( أنين الأشجار ) (1) (قـــــــــــــــــــــــــــــــــــدر ) قدر ومكتوب قعدت تحت الحيطان أبكي قالوا : البُكَا ممنوع خرت دموعي غصب عني قالوا: بُكَا من الجوع حطيت يدي علي خدي ورحت أعد فروع داريت وشي من الناس قال : الراجل مخروع سِبتْ القدم يمشي لقيت القدم مجذوع عشنا الزمان نجري والقلب فينا موجوع حكم القوي عـ الضعيف مادام الطريق معووج ونعيش حياتنا في نكد والحق لينا محجوب مره يخدنا اللوم ومره نخدها سكوت ومره يركب قفانا الخوف ومره نعلي بصوتنا الشوف حتى الطعام معاد يجدي مادام بالدين والسلف مجلوب الميه مصدرها سحاب ومطر أما شرابنا اليوم مكروب نشرب من عكار البشر والكاس شرابها ذنوب تحت الحيطان نبكي لون الدموع خروب نخشي شمات الناس ليقولوا جاور أبوعرقوب كتر الأذى من الخلق وعشنا الزمان في كروب بعنا الشرف بالهلس وقلنا الزمن مقلوب نحلم نعود للماضي ونشتهي الوئام يعود فين الجميل عدى والخلق صار مصلوب يا رب كنا في هنّا واليوم الأسد مرعوب خلص الكلام وانتهى لما صبح الفساد مرغوب ونعيش حياتنا في عجل ونقول هيجي يوم مشهود كفاية نعيش في الحلم ونقضي حياتنا سكوت @@@@@ (2) (الدايرة ) الدايرة دايرة ونازلة تلف ولا بد يوم من صوله تمد فيها القدم . والعين تجري ورا الصورة بدى أكون فاهم . ولا أبقي أسير للصورة ولا خفيف طاير ، مثيل الطير كعصفورة الفكر في الراس داير، أما البيبان مقفولة كل الخ طاوي تقف ، الشك ليه الشك، والظن ساكن بمقصورة يا شمس النهار هدي ، أوعي تغيبي ع العين شبورة بدي يكون النهار صاحي ، وأخد من الخلق معلومة الليل طال ومد حباله ، وخلى النفس مكسورة بدي علامة نصر ، صبحت كل البلاد مهجورة عايز أرفع أذاني ، أرفع راية كياني ، وألبس قميصي من تاني ، وأخرج بره حدود حبساني وأعيد حقي من جاني وأخد نفس طويل ، أروي بيه قلبي الحزين ، وأداوي من جرحي الغرير كفايـــــــــــ ة أنا بين ضلوعي رئة ضاقت فيها الأنفاس أنده علي خلي وعمي وأجري ورا الوسواس وأحط فاسي بين الهدد ألاقي تحت الهدد أعراس يا ما كتير تحت التراب بيئن ، والمشكلة في الناس مهما ان بكيت من الألم وجبت طبيب مراس يفضل علينا الوبا مدام قاعد عباس حتى الرحيل معاد نافع كل الدروب ليها ترباس فينك يا فجر بلادنا مات المؤذن ، ولا غواه وسواس الدايرة دايرة ، ولا فينا من معتبر والزمن نازل بيجري والحق ليه حراس @@@@@@@@ (3) [ الســــــــــــــــــــوق ] سوق جواه سوق رحت السوق أشتري برقوق شفت الفقري أبو عـــرقوب شفت الشايب أبــــو صندوق واللي مدقنن أبو زقــــــزوق رزقه في رجله في الزنقوق واللي يطاطي ليه مرعـــــوب واللي يعاند ليه معـــــــــيوب كله بيجرى للمــــــــــرغوب يطلب رزقه من الزغــنــوب كله تايه في ضهره خازوق قالع براسه وشــــــايل فاسه ونازل يولول مكــسور باسه عيش مطاطي عـشان ناسه جيبه خاوي يعــــني افلاسه والحفيان نـــــــاسي مداسه كل الدنيا في عينه مقاسي نفسه في حظ يفلق راسه وتبقي الضربة كد مقاسه ويعيش حر في بحر نفاسه ينهي عذابه في مدت موجه قبل ما يفقد عمره في هوجه يعني ممات في لحظة وجات أصل الموت للبشر إسكات راحة نفس مـــــن الهتهات أصل الروح ليـــــــها معاد ربك عــــــــــــالم بالنيات شايف خلقه كالحيونات @@@@ سألت أخينا بكام الكيلو خفت أعلي وصوتي يبان خفت يكون البايع مايع يسمع صوتي ألاقي تبايع قلت نفسي ليه تبايع أفضل حاجه بلاش إشهار شافني البايع وحك في جلده برّم شنبه وحرك زنده علا الضحكة وشد الصوت وراح ينادي علي البرقوق ملت أقوله كام مطلوب أوعي يكون ريعك معطوب قال: ميت جنيه للكيلو وخد أصل العملة اليوم ما تبد عمله رقيقة عايشه زهيدة تشبه عندنا سيل الزبد هات من جيبك وطلع عد ***** بدنا شيء يكون مرغوب صاحي ملعلع مش معطوب يعني سليم متعافي شديد ناصب ضهره زى حديد من غير زحمة لكيلواللحمة ولا جفيان وينشف ريق قلت خلاص كفاية حديت أنا مش عايز جل وقيد جنيه تعبان غاوي ينام كل ما يصحي يروح سكران واخد حقنة تنوم فيل أصله مريض من ساعة السيل أخده البرد في جبل التلج راح اتسبح في عصر أحد يعني بلاش ناكل برقوق نرجع نلعب الزغوب حتى عيالنا ملهاش مطلوب حاجة تحير بشر مغلوب مال الناس ومال السوق @@@@@ (4) [ رايح أركب جمل ] رايح أركب جمل ركب الجمل حلو ومسلي يا بخت طــــــــويل البال الراكب عــ الضهر بيصلي دايما عـــ النبي المخـــتار بعد الصــــــــــــلاة يسكن ساعة يغني وســـــاعة ، يضــــــــــــرب المزمار يمشي الطــــــــــــريق قطر سريع عــ القضبان وتمر الأمور هوا وغبار فإن كنت بدك تصاحب أبو أيوب يعرف المشوار صابر والصبر عنده كتير علي الضهر ميت قنطار ما يبك الحمل أو يشكي وإن كان الدمع أنهار أتعلم الصبر وهو اللفة جبل ما تهزه ريح أو نار يصعب عليك ظلم الجبل إن كنت حسيس أفكار والشهم لازم يتـــــسند ولا تبدي ليــــــه إنكار شيال الحمول ما يبرك لو قدت فيه بالنـــــــار أما البشر جهـــــــلان عايش جبان كالـــــفار جو الجحور متخبي خاوي مثيل فخـــــار يخزن في جوفه النكد ولا ليه أصول معيار وان سبته راح فالطرب وخلى بوزه منــــــقار ماله لو شــاف الجمل وبلاش يدعي إبــحار صعب عليــــنا الشبه فرق الجنة من النار كيف المثل في الجمل ؟ وكيف البهيم مغوار ؟ ألحق ضرب المثل في ام الكتاب أنوار يا بخت من صاحب جمل وخلاه ونيس أفكار وتعلم الصبر منه وشاركه يوم في حوار ويترك زحام الحضر ويشرب مياه أمطار ركب الجمل حلو ومسلي يكفي معاه مشوار @@@@@@ (5) [ مهما يكـــــــــــــــون ] مهما يكون مهما يكون ومهما إن قالوا عمر الليل ما هيفضل جاري مهما طال غياب الشمس وطال جوانا الليل والقهر ها تشرق شمس وينادي فجر إحنا عرفنا النور من فترة قبل ما نركب قطر و بَكْره لحظة ضلمة ولا زم تمر عمر الشر ما كان يسر عمر الليل ما كان يهونا ولا بقينا عرايا للغيم ولا يبقي النور في العين ضلمة ولا تبقي الدنيا لينا حجاوي بكره جاي وكله ضي يموت الظالم ويحيا الحي أكيد من جوانا شيء شديد من جوانا دموع وشكاوي من جوانا جروح ماليها مداوي من جوانا ألم وأنين لما شربنا شربنا كتير شربنا من العكر والطين لكن الحق ما مكمن يضيع والطالب يبقي وضيع آه آه يا بلادي طول عمري أقول فداك طول عمري أنشيد نشيد ساعة الصبح أصبح وأرفع بأيدي العلم واصدح أغني دايما بلادي بلادي أنا عارف الأمر مش ميسور ولا المشكلة عدس وفول ولا سكر بكام وزيت وصابون المشكلة في الناس المشكلة في إيد كناس وعلي الصدر ميت غمة والصوت بح والصورة بقت كُبه ما زلت يا بلدي عروس الدنيا وعمر ما يكون زواجك صح مادام القاضي ماليه مطرح ولا فيه عروس من زفاف @@@@@@@@@@@ (6) [ هــــــــــدي تعــــــــــــــــــدي ] @@@@@ هدي تعدي يا اللي معارض هدي تعدي قبل ما تنسي إنك مدي السياف واقف علي الباب عنده أوامر يجز رقبتي وطي دماغك تبقي أفندي من غير غاغة أو زمارة و طبلة تضرب في راس الحارة أحكي حكايتك واقعد جنبي واخفض صوتك وأوعي تعلي فيه طيارة ليها سنارة جايز تاخدك قبل ما تدري عيش أيامك وبدل حلمك لسه كتير عليك وبدري كل الناس ليها حجارة أما حجارتك طين ورملي جاتك نيلة يا واكل ناسك عايز تلبس بدله وتبقي إفرنجي ناسي أبوك وناسي جدك وضارب الحزمة ورابط خصرك وناس إن الدنيا لينا مقلوبة من أيام السيد أبو عرقوبة تدينا وش وبناكل مش والمسكين ما قادر ينش ما إحنا أموات في عصر صاجات واللي قتلنا أبوه هتهات من أيام عمنا مينا واللي يصقف ابن لمينا وإحنا في محنة وفين كلوينا واللي حاكمنا ليه رقابينا @@@@@ يا اللي معارض هدي تعدي فوقنا طيارة ليها هدير زى العاصفة وعاملة زئير إيه لو يعني كانت العيشه ، جو مغا رة ما الصياد ليه سنارة لو عايز يصيدك في ضربة حظ قبل ما تلحظ وعينك تبص تاخدك غارة في الدوامة يا له وقولي فين الشاطر أبو شطارة ؟ نازل تغني علي الزمارة وطبلك يضرب وعامل غاغة آه لو شافك عمي غبارة وسجل اسمك بإس الجارة رحت في داهية ودخلت مغارة يا اللي معارض هدي تعدي عايز تشرب سم الدردي وتنسي عيالك وتطلع تجري وأمك تصرخ وتنزل تبكي ما إحنا تمام وفي أحسن حال شوف حوالينا بلاد الشام كل ديارها صارت ركام حتى الناس ملاقية خيام والأموات كام تعد واللحاد راح يكد كأن الدنيا ما راضية تهد ذنب وكاسر بعد ممات بص بعينك وحكم عقلك شدة تزول ولا حد يموت بكرة ها تفرج وناكل توت والعطشان ها يشرب صاقع يعني قازوزة وشربات ناقع والجوعان ها يقول لحمة مهما كانت الناس وكانت الزحمة @@@@@ هدي شوية وريح بالك شعوب فسدانة ماليها مطالب عايزه العسكر مش أبو طنجر كان الصالح فينا كتير وال فسدان ماله معايير أما اليوم قش ولم يا ما كتير لبست طراطير ويا ما كتير صبحت زرازير ولسه امبارح شايف حلم كنا جواسر فوق اليم لينا قبطان ما يتزم ما سك الدفة زى الصقر وساعة الموج ما يعرف عوج ولما تغيب الشمس يخر كام أحكيلك وكام أسردلك وانت يا روحي راكب فكرك شوفت الساقية من تغور تطلع ميه وتسقي البور عارفك عارفك وعارف فكرك لما تسمع زمارة تطلع تجري حط الحلث ولف ودور زى البغل في الحنطور أو زى التور جو المحرات @@@@@@@@@@ (7) [ أحــــــــــــــــــــــــوال ] دايره ودايره ولا بد ليها من صـــــــــــوله يمشي القــــــدم ويخــــــطي والعين تجري ورا الصورة ***** مش لا زم تعيش سئمان وتسيب القلب فيك عيان فكر علي باب تنــــــــفد وخليك كيف عصفورة ***** عيش كالحجر وتقـــيل إياك عن الطريق تميل العبرة مش العـــــجلة العبرة في البال الطويل ***** شد حيـــــــــــلك ومد الدنيا لما تــبدى تمد وان بخلت لمت اليد وكفاية بطــل ظنون ***** شمس العدل ما تغيب وغير رزقك ما تصيب اللــيل لازم يــــــولي حتى إن فارغ الجيب ***** بدك علامــــــــة وراية وحاطط في قلبك حكاية أخرج بــــــره جدرانك تشوف الحقيقة مرايه @@@@@@@@@ (8) [ ليه يا خــــــــــــــــــــــالتي ] ليه يا خالتي أختي أمي تبقي خالتي شيء طبيعي من غير مزايدة بالملامح بالسلوك ولما تشد أيدي وترن ساعتي لما تفرح ، لما تغضب ،لما تضحك أو لما تحكي وتيجي جنبي الولاد همه ولادها واحد أخويا من أبويا والتاني ندي وأبن خالتي واللي بعده من نفس نسلي ند أبويا ويبقي ...عمي جدنا عاش هنا زمان ماسك عروبته مهواش أفندي علي الكتاف حاطط عبايه لابس عميمته ومغطي راسه جو الصحاري عنتر زمانه راكب حصانه وحامي أرضه جردوه من قعده حلوه ولبسوه من غير ملابسه لبسوه زعبوط محنتك وخلوه واحد أونطي لما مات مات بخنجر وشرحوه بمشرط تمرجي *** ليه يا خالتي ....؟ خشوا بيتنا أو خشوا بيتك فين أخويا وابن عمي فين صديقي وابن خالتي ما إحنا كنا عايشين تمام ونطلع ونرعى كالحمام من المحيط حتى الخليج حتى فارس عايش معانا وفي سلام لما غراب يتعدي حده يعبر حدودنا فوق الجبال الجوارح تاخد مكانها وإن كان بوده يكون سيام مش ممكن يفوت أو حتى يعدي يبقي الخراب يعم البلاد نقطعله رجله ونسوي حده *** ليه يا خالتي ...؟ أرضنا صارت خراب والغراب نازل نعاق كم مدينة صارت رماد كم حزينة تحت التراب ولما أقولك تقولي هدي ليه يا خالتي كل المصاب شفتي بعينك فين الحبايب شفتي بعينك بحر الرشيد بحر غاضب ما له حبيب ما بقي صاحب ولا حبيب وإن حكينا حكانا معيب ونبقي تهمه والنار تزيد *** ليه يا خالتي كل يوم لينا وزير في الطيارة ونازل يطير يقضي الليلة نضيف متشفي وبعد الليلة نشوفه نكير قسما بالله هذا كتير لسه امبارح قالوا أمين وعلقوا يفطه بين حطين كيلوا الرز بربع العشرة أما السكر بكام مليم نجيب غيره أحسن منه عارف يخطي وخالي سِمُه عايش في عيد ونازل يقيد والبنزين مش لا زم يزيد وكيلوا اللحمة هيكون الإيد من خير بلادنا كله يفيد لحم حماره أو فرخايه النار بتقيد سجل نفسك جو القيد أصل الدفتر ليه مواعيد آه لوفتك قطر عزيزنا رحت في دهيه ومت أكيد سامعة يا خالتي .! ولا طرشانه بكره نكمل ألف حكاية أنتظرني @@@@@@@@@@@@ (9) [ أبو البنــــــــــــــــــــــــــــــــــات ] أبو البنات يا ابو البنات مالك ؟ قاعد وحيد وحزين نازل تدور وتلف محتار حاطط يدك علي خدك وماسك في اليد منديل مش قادر تقوم منهار خايف من الدَنيا ؟ ولا خايف من الهم يكبر وتبقي الحياة دمار الحمول علي الكتف بالشيل مش قادر تكمل المشوار قوم . بعد التعب راحة كل شيء يلزمه إقرار قوم وانتصب وشد عودك وإن جالـــــــــــك عريس أوزنه بمــــــــــــــــعيار الناس فيها وفيها فيها الرخيص اللي بلا تمن وفيها الدهب الوزن فيه بجرام قالوا الكبار قوله أو كلمة أسس لبنتك قبل الولد وإياك تخاف الفقير إن كان علي النهج والدين واللي يصون العرض ويخاف الأذى من العار دور عاللي تقاويه صالحة منين مايمشي فالدنيا عمار واللي يصون العهد وببقالك سند وإن مشي جنبك ليه الوقار وكفاية من تقاليع العصر وكفاية نقول البنت ليها الخيار أول خيار البنت عريس موضة تكشف غطاه تلاقيه منشار عامل سبع البرمبة فاكر نفسه أسد مغوار وال قعده حلوه علي الرصيف والشيشة لها أحوال سبنا الأصول وقعدنا نجري وجرينا راح في الهوى ولا ركبنا فيوم بحر نغرق ولا جرينا جو العتامة مشوار غرقنا في الطوفان وراحت كل حاجة وضاعت في الرؤؤس الأفكار @@@@@@@@@@@ (10) [ مالك ومـــــــــــــالهم ] مالك ومالهم قالوا النسا ألوان واحدة: تريح البال والتانية: تعيش موال والتالته :ليها أقفال والرابعة: تشكي من الأحوال يصعب عليك فهمهم لو خضت يوم دربهم تمشي أكيد حفيان وتعيش مع الأحزان يا بخت من سد ودانه وقال الست ليها لجام إياك تكون سئمان ويحل بيك دندان كتب الإله وأمر الصبر ليه أحبال ولا تبقي الدقيقة جبال ولا تندم علي العزوبية ولا تحزن علي الأيام ولا تركب قوارب سفر وانت ما ليك شطئان موجك صبح قاسي والبحر فيك غضبان مركبك ما عاد فاضي والحمل فيه تقلان تنده علي مُــــــــنْجِد عاقل وليك منصف ويقتل الدنـــــــــدان دا اليم بات يقـــــــلب وما عادت يوم قبطان تحــــــكي وتتـــــندم وتتــــــمني تتعـــــدل يا رتـــني يا ربـــــــي ما سبت يوم دربـــي ولا عشت السنين جـــبال دا الحيطة ليها ودان نفسك تعيش سكران تلعب مع الأطفـــــال ولا يكون ليك فيوم حــرمة ولا تصبح لهاّ جُرمه شيلاك في صـــــره إن نمت ربطـــــــاك وإن قمت مسكاك إن قلت يا حرمة وقعت في جرمه ترفع حواجبها وتركب قواربها وتشد علي الساري الدفـــــة مسكاها ركبت علي دماغك وبدلك ليك حالك تضحك علي غلبك ومن جوه تتــــــألم وتقول يا ريتني اليـــــوم متعلم ولا تبـــــــقي متندم والحرمة ت ها سجيني كأنك لها الجاني لما رحت تخطب مالك وما لهم @@@@@@@@@@@@ (11) [ إيــــــــــــــــــاك تلوم ) (إياك تلوم ) أنا اللي شلت فوق كتفي هموم الخلق وبقاسي وحفرت الأرض بصواب عي وشقيت الصخر بالفاسي وصهرت الناس في دني وجعلت كل الخلق هم ناسي ما فرقت بين أحمر ولا أبيض ولا قلت فيوم عزوتي و ناسي ولا صاحبت واحد لحاجة ونكرت عزتي وحماسي سكنت قلبي دروب العباد واللي يبكي أنهنه بأكياسي وعشقت رحيل الليل ويضيق الصدر وأنفاسي وابذر بذوري واتمني احصد ألاقي حصيدي حصده كناسي وأتعلق مع التور جو الخطوط ينكرني توري ويا محراثي ما أخاف الشمس تضربني ولا تيجي الضربة في راسي تفلق نافوخي نصين قلبي يموت جنبي وجسمي يبلي من قرف ناسي حبيت أبعد عن الشر وأغني وما ألبس في رجلي نعلي ومداسي لكن ريح الخريف دايما شديدة تهز الشجر والنخل مدام عالي صدقني يا خلي وكن مؤمن عشقت السمر وكرهت إفلاسي وكرهت وجع الدماغ وما عدت قادر أعود لمراسي الله الله عليك يا دنيا أكتب ما أكتب همك طويل وفاشي خلص مدادي وانتهي قرطاسي إياك تعيب علي مجنون دا القلب شال من الوجع ومن هم الناس صبح قاسي @@@@@@@@@@@@@@@ (12) (لما البلية تلعب ) خطي بقدمك وأوعي تلين وحاسب نفسك قبل ما تبقي عجين ولما تخطي نادي مولاك واعلي بصوتك وقول يا معين عمره الحق ما تجيبه سكين فيك ك عيون شايلها راسك بص بعينك وابقي فطين خلي بصيرتك للمعدول واللي يطاطي لازم يغور بكره هايفني ولازم يزول آه لو قادر يعمل غول لعب البلية وصار مغرور عبا جيوبه لب وفول وساب التوك توك والحنطور جاب الفرنا والمرسيدس وبعد الظهر ركب الفور قلع البدله وشال العمة وسك عمارة عشرين دور كانت العملة ما تعرف جيبه ولما عرفها كان مسطول ولما تجيله يخاف يمسكها وكل ما تقرب يدهش منها يا خد غفلة ويشم ريحتها ويحضن فيها زى عشيقته ولما تفارقه يبات مهموم بليه ولعبت وجابت زهور وجات المركب بالمحمول تصعد منها ريحة الكور مين يتكلم مين يقول واللي بيشهد شاهد زور دستور ....! من غير تعويذة يجي شمهور يطفي اللمبة وعاشق الضلمة كل حياته من غير نور جايز يطلع جن يثور أو تور صغير ليه قرون حاجه تحير لب الواحد لما الباطل ربا جذور وصبح الحق في الدنيا يقاسي وتطلع روحه وجلده نسور والمسكين وكلاه الدنيا نازل يدور علي قرشين ساكن في بيته الله أعلم وفوق القبة غراب البين ويفضل يجري زى طاحونة ويعصر جسمه زى ليمونة ويقدح راسه في الجدران والغلبان وكلاه النار حتى عينيه ما عادت شايفه ومن اعصابه ما قادر يقوم مهما راح أو هب وقب يفضل عرضه ودنيته سد ليه نحتد خطي برجلك وأوعي تلين وخلي الخطوة ليها سكين واللي يعوقك حطه في بير مهما إن قالوا أنت متين لو كان صاحبك عنده ضمير وأخذك صاحب وبقي قرين كل الناس صاور شياطين ولما اللية بتلعب تدي ولما بتدي بتدي كتير ساعتها : يبقي الأعمي ساعاتي والجربان يلبس قفاطين @@@@@@@@@@@@ (13) [يا عمنا ] يا عمنا خطوتك لينا كرامة نلنا الشرف بيك وزيـــــادة در مكنون رجوله وشهامة راجل وليك زوق وعمادة الحرف ليك يطاطي كرامة ومنك ننال الخطى وقيادة عمنا وعم الكل واللي ما عجبه ماليه في العقل فهامه ممنون لك عمنا وأستاذنا كلماتك بلسم وعبير والشكر لك منا جزيل @@@@@@@@@@@ (14) [ رباعيات متفرقة ] أيام بـــــتلف وتـــدور زي تروس الطاحونة ناس بـــــدنا نغـــــور طبعها زي الصابونة *** حب القلــــــــوب رباني والبغض أبـوه شيــطان دايما تطــــــــبخ براني الناس مدرياها الحيطان *** زمن وتقلبت فيه الوشوش ووشوش راحت منها الشاشة ناس صبحت لينا وحوش وناس وشها كله غباشه *** خلق عريان وفاضي والدنيا ماشيه وعطياه ياخد ما يدي ما راضي والندل هياه هياه *** في القبر عملك يناديك ولا حد يقدر يحوشه ملكين يحاسبوا فيك والزين يفتكر دايما وحوشه *** دنيا ومتقسمه فيها الحظوظ ونصيبك لازم وتاخــــــده واطي وبالرزق محظوظ إباك يغرك وحايــــــــــده ***** الخساسة عند الخسيس لها فنون وعند اللي زيه مشروعه تلاقيه بنفسه مفـــــــتون وكل عهوده ليك مقطوعة ***** ظالم ولا مظلوم ولا الحكم فيك جاير عايش بلا زاد ولا كيلك فاض بالعاير ابني لنفسك دار كل الناس ليها دواير ***** خلي ضميرك حي متخاف رزقك علي الله مكتوب ما تتلوي ولا تبقي آف ولا تصير عند الخلق معيوب عزيز النفس عمره ميتعاف واللي يبيع ضميره مجدوب *** عيان يا طبيب ولا حد قال عوا فيه راح الكريم وتبدلت اليوم عوا فيه بلاش الفرح يا عوازل في يوميه بكره ها يجي وترجع للأصيل عوا فيه ****** ربي صغير الغنم يجي يوم تلاقيه تربي صغير البشر يجي يوم للمال يفنيه خسارة تزرع الشوك والمر بإيدك لو كنت غاوي سلامه بلاش ومن البداية افنيه @@@@@@@@@@@@ (15) [ إيــــــــــــــاك تميل ] (إياك تميل ) يا اللي مسكت القــــــــــلم وبدك تقـــــــــــول مواويل وبدك تمد الخــــــــطاوي وما خفت القلم منك يميل ولا تاخدك حروف الجـــر تجرك شمال ومره يمين وان جيت في يوم تتنصب تلاقي بعد الشد تنـــــوين وتروح في سكون المدى وتقول أكتب حروفي لمين وتمد أيـــــدك للحـــــــديد جايز في يدك أمــكن يلين الواو سكن جو ضلــوعك ويكدب عيـــــــــنيك الميم وتشرب كاسك من الهوى وأول حروف الجمع جيم وتلاقي الفعل متــــــقسم واحـــــــــد ماضي وراح وواحد لسه فيه سايرين وواحــــد بالأمـــــر ينفذ ربك كـــــريم ومعـــــين تبقي حروفــــــــك جمل وتخط هوى للعاشــقين كأنك تبيع للناس الجوى واللام تصـــــــير تعليل والسابق كان مــــــــبتدأ والخبر إمكن يجيه تأخير والماضي جايز يتنسي لكن العيون شايفـــــين ويمر بــــيك الزمـــــــن متـــــــعدد التقاســــــيم واللي غـــــــواه الحكي طرطرب ودانـــــــه كتير وان هبت الريح يجري تنفخ في جسمه يطــــير أما الـــــرزين تقـــلان والكلـــــــمة ليها تعبير أما الفــــــــواصل نقط والنقـــــــطة ليها تدبير تركب قــــــــطار السفر وابن الأصــــــول يشير واللي دراعــــــه انكسر عايز أبــــــــــــوه يشيل وان حطت عالكتف حمولك إياك تقـــــــــول محاميل يـــــــا ما كتير أنكـــــوي من كثرة الدمــــــــاميل إياك تبيع من غير شِرَي وتخلي الكــــــلام ملاليم الحرف التقــــيل يتوازن من الدر ليه قنـــــــــاطير ويا ما كـــــــــتير أتوزن والسعر كان (هــــــلين ) أوعي تكــــــون مغتصب ابن اللئـــــــــــيمة جهيل بيقولوا العــــــلام بالقلم والشعر ليـــــــه دواوين والرسم كان علي الحجر عمره ما كان تــــــراتيل واللي بنا لينا الهــــــرم كان مصري بالتــــأصيل دهشت صــــــدور البشر ومن يومها لينا تهـــــليل ولا كل اللي نال عـــلامه ولا كل اللي ليــــــه تأويل ارحم فـــــــؤادك واهتدي مسك القـــــــلم تفنــــــين ولا يبقي الكلام شخبطه ولا يبقي العلام تجهيل ياما الطــــبول لينا دقت أما العبيط يراه تهـــويل خليــــك يا خــــلي فطن وابعد عن التقيل وشيل عاد نحتوا جوف الحجر وتحت العماد ساكنــــين والبـــــــــــحر لما انفلق فرعون قال أكيد داركين أما العصايه كانت خشب والسحر كـــــــان تعابين يا بخت من قدر وعفـــا بعد الغــــــــــضب ويلين ويكون رقيــــــــق القلب والصبر عنـــــــده جميل أصله الفـــــــؤاد أنكوي لما بشــــــــوف مهابيل القلم يكــــــــون مردمه لما الضــــــــــمير يميل العلم أصلا موهــــــــبة والقدرة في اللي يشيل والتقـــــوى تبقي لربنا والحمـــــــد ليه تبجيل إياك تـــــــــــروح للقلم وتكتب حــــــروفك شين