مش مسلسل تركي

عن الكتاب

بصرف النظر عن إن مصر هي أمي، ومرورًا بأنا مـ البلد دي ويا حبيبتي يا مصر يا مصر، انتهاء بإني شربت فعلًا من نيلها، وإن أنا مصرية وأبويا مصري. فبالطبع مش محتاجة أي مقدمات علشان أثبت عشقي لكل ذرة تراب فيها. فمصر بكل ما فيها هي قصة عشق محتومة لكل المصريين. وبما إني بحبها والعشم ما بينا زيادة جت لي فكرة الكتاب ده. انتقاد ساخر بكل حب للمشاكل والظواهر بالمجتمعات المصرية. حبيت أعمل سبوت وزوم إن على عيوبنا ومميزاتنا. وبما إنك مصري أوعدك هاتلاقي نفسك في سطر من سطور الكتاب ده. فتعالوا نضحك مع بعض شوية على نفسنا قبل ما حد غريب يضحك علينا.