الحب في زمن البوتكس

عن الكتاب

في زمن البوتكس.. الفاكهة اللي بتحبها (مرشوشة) الممثلة اللي بتصدقها (منفوخة) والصورة اللي عاجباك طالع عينها (فوتو شوب) والشهادة اللي خدتها (فشنك) والثورة اللي نزلتها (بح).. احنا في زمن الحقن. في زمن البوتكس.. المحلسة هي الحل. في زمن البوتكس.. لو كان ليوناردو دافنشي موجود وفكر بطريقة 2012 مكنش هيبقى في جيوكندا في تاريخ الرسم على الاطلاق، وبما استبدلها دافنشي بلوحة بوس الواوا. في زمن البوتكس.. لزومها ايه الثقافة اللي هتقلب علينا المواجع لما نعرف ان أكبر قصر في العالم هو قصر (الاسكوريال ) في أسبانيا وفيه 500 أوضة في نفس ذات اللحظة اللي بندور فيها على شقة 5 متر أو نعرف ان (كلوت بيك) يعتبر مؤسس النهضة الصحية في مصر.. يادي الكسوف. في زمن البوتكس.. زمن انصاف الحقائق.. انصاف المبادئ.. انصاف الرجال.. زمن (من برة هالا هالا ومن جوة يعلم الله)