3 نقط ... (لأنه اللي منقوله بعد ما نسكت كمان مهم...)

عن الكتاب

3 نقط (…) هو الكتاب الثاني للكاتبة عفيفة حلبي بعد «مش مهم» الذي صدر سنة ٢٠١٠ بطبعته الإولى، وسنة 2012 بطبعته الثانية. وقد قامت الكاتبةبتصميم الكتابين باسلوب عصري وغير مألوف للكتب الصادرة بالعربية كونها تعمل في مجال تصميم الغرافيكس وتصميم المجلات والكتب تحديدًا. 3 نقط (…) كتاب يحتوي نصوصاً وصورًا فوتوغرافية بعدسة الكاتبة، فيها كثير من التنوّع والمزاجيّة،كتاب فيه قليل من كلّ شيء نصادفه في حياتنا اليوميّة في لبنان وبيروت… وفيه أيضاً من عشوائيّة الحياة في ترتيب صفحاته! الصفحات البيضاء، تحتوي على نصوصاً قصيرة، مكتوبة بالعربي الفصيح، أو بالعربي العامي (المريح)، أما الصفحات السوداء فليس لها علاقة بالصفحات البيضاء، هي بمثابة أفكار، يمكنكم أن تسموها أفكاراً سوداء إذا أردتم، لها حرية الإنتشار على مزاجها دون أن تسجن بنقص التاريخ والزمان والمكان… نقرأ نصاً من الصفحة البيضاء بعنوان: "شي حلو":"من بعد مشاوير المكتبة كان مشوارنا المفضل، أو نزهتنا الأسبوعية المحببة هي السوبرماركت…ما بعرف ليش كنا هالقد نحبّ نروح سوا عالسوبرماركت، نراقب الناس، نتفرّج ع الرفوف، نقارن الأسعار ونشوف شو في جديد.. وأهم شي كان إنّه نتأكد من تاريخ الصلاحية، مع أنه.. عادة كنت إنت تصرّ نشتري الشوكولا اللي مدّة صلاحيته قريبة، اللي بتخلص بعد شهر مثلا، وأنا كنت استغرب، إنّه ليه؟ خلينا نجيب شي بضاين أكتر، تكون مدة صلاحيته لبعد سنة مثلاً، كنت حس بالأمان لمجرّد إنّه التاريه المكتوب كتير بعيد عن تاريخ اليوم، لحسّ إنه معي وقت، ومش مضغوطة ولازم آكل بسرعة أو في عندي DEADLINE حتى بأكل الشوكولا، بس إنت لأ… بتشتري اللي رح تخلص مدّتن بعد شهر، باعتبار انه نحن ع كل حال رح ناكلن هلق بعد نص ساعة، لشو يكون لبعد سنة، وبأحسن الأحوال إذا ضايقينوا ألواح الشوكولا عنّا، رح يضلّوا أسبوع بالكتير، ليش نخليهن يروحوا عالتلف.. صحيح.. كنت اقتنع، وبس كون معك وافق، بس ولا مرة كنت لحالي واشتريت شي عارفة إنه مش مطوّل ل"ينتهي".. بخاف من الإشيا اللي بتنتهي بسرعة! مبارح فتحت البراد.. لقيت ألواح الشوكولا اللي اشتريناهن الأسبوع الماضي سوا، وتشارعنا نهارتها، إنه معن بس شهر لتنتهي مدّتن..انتهينا نحن قبلن.. بس معليش، ابتسمت بقلبي وقلت بالقليلة ضل في "شي حلو" بالبيت من بعدك.."