الكتابة والسلطة

عن الكتاب

الكتاب دا ابتدا التفكير في موضوعاته (قبل ما تتبلور حوالين مسألة الكتابة وعلاقتها بالسلطة) بعد هزيمة حرب الست أيام، يونيو (حزيران)1967، اللى كانت في الواقع جزء من هزيمة العالم الثالث- باستثناء الهند. ما فيش شك في إن الغرب حارب حركات التحرير في العالم الثالثبضراوة فوق الوصف. ومن غير إلتزام بأى مبدأ قانوني أو إنسانيلكن ما فيش شك كمان في إن النظم السياسية في بلاد العالم الثالث- باستثناء الهند- كانت نظم احتكر الحكم في كل بلد منها زعيم لا صوت يعلى على صوته ولا كلمة تتسمع غير كلمته: كل رأى تاني مالوش مكان غير السجن أو القبر. علشان كدة ترجمت كتاب ظهر في فرنسا سنة 1530 واتعرف فيها باسم مقال لابويسية عن العبودبة المختارة. الترجمة في حد ذاتها كانت بالنسبة لي فرصة لكتابة مقدمة حاولت أشرح فيها سر تفوق الحضارة الأوربية على بقية الحضارات وبالذات الحضارة الإسلامية اللى كانت أقرب الحضارات ليها وبالتالي أشدها منافسة.