قصائد  تحتفي بالمشهد كأيكولوجية خاصة كخريطة شخصية لناس وأماكن وحاجات وأحاسيس ممكن حد يشترك معاك فيها وفى نفس الوقت بتسمح الحريه أن الآخرين يتوجدوا معاك الآخرين اللى يخصوك واللى سابو وبيسيبوا يومياً علامات حقيقية على إحداثيات خريطتك.. وعيك.. ممارساتك.. ده غير المشهد بتكوينه فى اللغة صعب.. خصوصاً اللغات اللى تراثها من الكتابه مش التدوين.. قليل الكتابة كفعل كعمل كجهد حقيقى للخروج من الطبيعه والدخول فى المجتمع. فعل على مادة لها مكونات متعدده لا بد من اكتشاف مكوناتها واختبارها وتجريب التعامل معاها وتطويعها للرغبة البشرية وهدم التراكمات والترهلات اللى كونها فعل تركيز التعامل على مستوى واحد من مستوياتها .وملء الفراغات اللى سابها إهمال التعامل مع بقية مكوناتها.