ليست عذراء

مش المرة الأولي إللي أقرأ لدينا عماد تقريباً قريتلك كتابين رعب وواحد رسائل الرواية كويسة كفكرة وخصوصاً انها بتناقش فكر لسه موجود عند البعض لحد دلوقتي علي الرغم من التطور لكن لسه متمسكين بالعادات دي وصعب إنها تتغير طب ليه التقييم نقص 3 نجوم اول نجمه عاشان اللغة العامية لان الرواية هتكون اقوي لو كانت بالفصحي تاني نجمة عاشان النهاية لان صعب ان الموضوع يرجع طبيعي كده وينتهيوالنهاية جت سريعة ومش متوقعة انتي بتناقشي قضية لو كنتي جبتي النهاية زي ما بيحصل في الواقع كانت هتيبقي تأثيرها أقوي والواقع بيقول ان رجوعهم حتي لو مظلومة صعب جداًكنت هتقولي ان حتي مع ان فيه بنات بتتظلم في المواضيع دي لكن ما بتتصدقش لكن إنتي اخترتي النهاية السعيدة !!النجمة الأخيرة لأكتر من سبب أولاً الاطالة وده كان هيبقي ايجابي اوي بس لو كان في صلب الموضوع نفسه يعني زي ما خليتي زوجها يروح يسأل عن موضوع حملها وامكانيته كان ممكن بنفس الطريقة أظهرتي حاجات كتير عن موضوع عذرية الفتيات علمياً والظلم اللي ممكن يقع عليهم لأسباب كتير غير حكاية مايا !وكده كان هيبقي للرواية فوايد من زوايا مختلفة ثانياً لخبطة الأحداث حسيت بلخبطة مين قريب مين كنت بتوه بينهم في المجمل رواية كويسة اتمنالك الأفضل إن شاء الله وأكيد هأقرالك تاني بإذن الله :)